Jebira Jewellery-ში თითოეული სამკაული იქმნება ინდივიდუალური შეკვეთით.


ჩვენ არ ვმუშაობთ მზა შაბლონებით — თითოეული ნამუშევარი იქმნება კონკრეტული ადამიანის სურვილებისა და ხედვის მიხედვით.

ეს მიდგომა გვაძლევს საშუალებას, შევქმნათ არამხოლოდ ესთეტიკური, არამედ თქვენს პირად ისტორიაზე მორგებული სამკაული.

თქვენ შეგიძლიათ გამოგვიგზავნოთ სურათი ჩვენი კოლექციიდან, თუ გსურთ რომელიმე კონკრეტული მოდელის დამზადება,
 ან გაგვიზიაროთ თქვენი სურვილები, იდეები და ინსპირაციები

— ჩვენ კი დაგეხმარებით, თქვენი ფიქრები გადავიტანოთ დიზაინად, რომელიც სრულად მოერგება თქვენს ხედვასა და გემოვნებას.

შეკვეთის გასაფორმებლად საჭიროა განვსაზღვროთ, თუ რა ტიპის სამკაულის დამზადება გსურთ.


ამ ეტაპზე ვადგენთ სამკაულის ზომებს, ვიზუალს და ყველა იმ დეტალს, რომელიც გავლენას ახდენს საბოლოო შედეგზე.


ასევე განვიხილავთ დამატებით ელემენტებს — მაგალითად, გნებავთ თუ არა წარწერის ან ნახატის დამატება, შეცვლა ან მოცილება.ყველა დეტალის ზუსტად განსაზღვრის შემდეგ განისაზღვრება სამკაულის საბოლოო ფასი.


ჩვენთვის მნიშვნელოვანია, რომ თითოეული დეტალი იყოს შეთანხმებული თქვენთან ერთად, რადგან ეს პროცესი ქმნის იმას, რაც საბოლოოდ უნიკალურს ხდის თითოეულ ნამუშევარს.

ყველანაირი ინფორმაციისა და დეტალის დაზუსტების შემდეგ ვიწყებთ სამკაულის დამზადების პროცესს.


დამზადების დრო დამოკიდებულია დიზაინის სირთულესა და ტექნიკურ მოთხოვნებზე

—
 საშუალოდ მარტივი დიზაინის სამკაულები მზადდება 4-5 სამუშაო დღეში,
 ხოლო უფრო კომპლექსური ნამუშევრები, რომლებიც მოითხოვენ 3D მოდელის აწყობას ან დამატებით პროცედურებს, მზადდება 7-14 დღეში.

ასეთ შემთხვევებში ჩვენ ვრჩებით მუდმივ კონტაქტში კლიენტთან — რეგულარულად ვაზიარებთ პროცესს, ვგზავნით აწყობილ ფაილებს და თითოეულ დეტალს განვიხილავთ ერთად,
 რათა საბოლოოდ შეიქმნას ზუსტად ისეთი სამკაული, როგორიც თქვენ გსურდათ.
 დეტალების სრული შეთანხმების შემდეგ კი ვიწყებთ საბოლოო დამზადებას.